General Santos City: Sa kampanya batok sa ilegal nga drugas, nasikop sa mga personnel sa PRO 12 ang Top 10 Most Wanted Person Regional Level sa Purok 11-A, Fil-Am Avenue, Brgy. Fatima, General Santos City niadtong Setyembre 10, 2024.
Mga operatiba sa Police Station 7, CMFC, IDMU tanan sa GSCPO; Ika-1201 nga MC, RMFB 12; RID 12; ug RSOG 12 nagsilbi sa warrant of arrest sa nahisgutang lugar nga miresulta sa pagkasikop ni alyas “Binggo”, 26 anyos, ug residente sa Purok 13, 37th IB, Block 8, Brgy. Fatima, General Santos City.
Ang nasikop nga suspek nalista sa Top 10 Most Wanted Person Regional Level ug adunay standing warrant alang sa paglapas sa Section 5, Article II sa RA 9165 o ang Comprehensive Dangerous Drugs Act of 2002.
Gidala sa Police Station 7, GSCPO ang akusado alang sa tukmang disposasyon. (Rem C. Agdon)