GENERAL SANTOS CITY – Gihingusgan ni retired Col. Eduardo Marquez, regional director sa National Intelligence Coordinating Agency kon NICA 12 nga walay na igong pwersa ang mga New Peoples Army kon NPA sa rehiyon.
Matud pa niini nga kini gumikan sa hugot nga operasyon nga gihimo sa militar og mga laing estratihiya nga maawhag nga mag-surender.
Gikadugang pa sa nasampit nga nasabtan na usab sa katawhan kung unsa ang kalihokan sa maong grupo nga dili maayo og walay sangputanan.
Kahibaluan nga daghan na usab ang napatay o nasamdam lakip ang naaresto nga sakop sa NPA atol sa military operation. (Jun Abelo)