GENERAL SANTOS CITY – GIHUGTAN sa GenSan City’ Civil Registrar ang proseso sa paglukat og late registration sa birth certificate. Kini dungan sa pagkadiskubre sa otoridad sa 200 pekeng birth certificate nga giisyu sa civil registry sa Sta. Cruz, Davao Del Sur. Nasuta kini human gipresenta kini isip dokumento sa Chinese national sa Davao City sa paglukat og Philippine passport. Matud ni Nenita Flores Ellivera, labaw sa city’s civil registrar migamit sila og tracking system tumong masiguro nga dili peke ang dokumento. Gawas niini, nagdugang og mga supporting documents ang Philippine Statistics Authority (PSA) aron dili na malusotan og pekeng dokumento. Dako usab og tabang ang voter’s registration record (VRR) aron masiguro nga dili malusotan sa mga fixers nga nagpalusot og dokumento. Kahibaloan nga giimbestigahan na ang maong insidente, asa misaka sa liboan na pekeng birth certificate ang nasutang peke.