Kiamba, Sarangani – Gipahigayon ang Turnover ceremony sa Philippine Multisectoral Nutrition Project (PMNP), usa ka four-year project sa Department of Social Welfare and Development (DSWD) ug sa Department of Health (DOH) ngadto sa LGU Kiamba, Sarangani Provincince. Ang maong proyekto ang usa ka multi-sectoral approach alayon sa nutrition-specific ug nutrition-sensitive interventions sa nagkadaiyang local government units (LGUs). Ang giturn over sa kumpletong expansion sa potable water system level II sub-project nga nagkantidad ug P1,394,388.69 nga nahimutang sa Purok Cacao, Barangay Lomuyon, Kiamba, Sarangani ang mabenipisyuhan sa 405 households.
Segun ni John Kevin Camarinas, Deputy Regional Program Manager (DRPM) sa KALAHI-CIDSS XII, kinahanglan sa katawhan ug sayon nga access sa hinlu ug luwas nga tubig kansa mahinungdanon alang sa pagpalambo sa sanitation ug hygiene sa mga residente sa komunidad. Samtang gi-award usab sa Kiamba ang kantidad P15,325,500 nga grant alang sa 19 ka barangays sa maong Munisipyo diin unang barangay nga nakabenipisyo mao ang Barangay Lomuyon.
Dako usab ang pagpasalamat ni Kiamba Mayor George Falgui ngadto sa DSWD tungod sa pagdala ug daghang mga kalambuan sa lungsod hilabina sa water ug sanitation kansa usa sa mga panginahanglan sa komunidad.
Nasayran nga ang Kiamba sa Sarangani Province; Banisilan sa Cotabato Province ug Palimbang sa Sultan Kudarat ang usa sa mga napiling mahimong pilot areas sa SOCCSKSARGEN Region. Uban sa abung pang partner agencies, ang proyekto nagtumong nga masolusyunan ang malnutrisyon ug mapakusgan ang health ug well-being sa nasud. (Rey Ombana)