General Santos City: Gipangulohan ni Gensan lone District Congressman Ton Acharon ang Grand Launching sa Ayuda Para Sa Kapos Ang Kita Program (AKAP) ning s’yudad sa General Santos, kini usa sa mga programa karon sa DSWD aron matabangan ang mga trabahanteng Pilipino nga nakasinati sa kakuwang sa inadlaw nga kita.
Kapin sa 700 ka mga benepisyaryo ang unang natabangan sa maong programa ug nakadawat sila og cash assistance nga tag-P3,000 pesos niadtong nakalabay’ng adlaw sa Barangay Calumpang Gymnasium, GenSan.
Gawas niini nga programa, ang nationwide Tulong Eskwela Program, usa ka inisyatiba ni House Speaker Martin Romualdez, gilusad usab sa susamang higayon. (Rem C. Agdon)