Malungon, Sarangani Province – Gidayeg sa Department of the Interior and Local Government (DILG) Region 12 ang Barangay Datal Batong Sangguniang Kabataan tungod sa pagkab-ot sa high-performance rating sa tanang upat ka assessment areas.
Kini atol sa gipahigayong Governance Exemplars for Meaningful Service for SK (SK GEMS) Region XII Awarding Ceremony nga gipahigayon sa Sarangani Provincial Capitol bag-ohay lamang.
Nadawat ni SK Chairperson Aurelio Z. Dalama Jr. ang pasidungog isip usa sa labing talagsaong SK base sa pagkaepektibo sa organisasyon, pagplano sa kalamboan, pagdumala sa panalapi, ug pagkapangulo ug kabag-ohan atol sa pagpangita sa DILG-12 sa mga SK nga nakahimo og maayo sa ilang gitahasan nga mga katungdanan ug mga responsibilidad isip batan-ong mga lider sa Central Mindanao Region. (Rey Ombana, photo courtesy of MIO-Malungon)