Cagayan de Oro – AGIG pagtak-op sa Oro Youth Month, gipahigayon ang ‘Gabii sa Kasadya’ adlaw’ng Sabado, Agosto 31 nga gipasiugdahan sa Oro Youth Development Office.
Atol sa maong kalihokan, gipadayag ni Sangguniang Kabataan (SK) Federation – CDO President Kenneth John Sacala ang iyang State of the Youth Address ug gipahigayon ang paghatag og pahinungod kang City Department of Interior and Local Government Director Jane Docallos alang sa iyang retirement.
Nanumpa usab ang mga miyembro sa Oro Youth Development Council (OUDC) ug ang bag-ohay napili isip OYDC – Sectoral Co-Chair nga si Ms. Herna Tano.
Sa laing bahin, giila usab ang Kagay-Anon Youth Network Alliance (KaYa NA!) alang sa award nga nadawat niini isip lakip sa Top 20 National Finalists sa 21st Search for the Ten Accomplished Youth Organizations (TAYO) Awards, Agosto 19, didto sa Manila Metropolitan Theater.
Ang kalihokan gipangulohan sa Oro Youth Development Office ubos sa pagpangulo ni Oro Youth Development Officer Lord Saver ‘Vhaugne’ Centina ug gisalmotan sa mga SK Officials gikan sa nagkadaiyang barangay, nagkadaiyang youth organizations ug mga partner agencies sa Oro Youth Development Office.
News and photo by CIO CDO