Flights Kanselado Tungod Sa Taal Eruption

Flights Kanselado Tungod Sa Taal Eruption

by RPN News
35 views

CAGAYAN DE ORO CITY- Liboan ka mga pasahero nastranded sa Laguindingan airport sa Misamis Oriental sukad niadtong adlwang Domingo, Enero 12 tapos nakancelar ang mga flights gumikan sa pagbuto sa bulking Taal.

Si Laguindingan airport manager Engr. Job de Jesus nagsugilon nga duha ka Cebu Pacific Flights paingon Manila ang kanselado samtang pito paingon sa kauluhan ang gikanselar kagahapong adlawa, Enero 13.

Matud ni de Jesus kadto lamang ruta paingon sa Luzon ang apektado apan ang ubang ruta sama sa Cagayan de Oro paingon sa Davao, Cebu ug ubang dapit gawas sa Luzon ang dili apektado.

Segun sa kasayuran sa Philippine Institute of Volcanology and Seismology (Phivolcs), kon ang bulkan mobuto ang kabaga sa aso nga ibuga niini, maghatag ka kuyaw sa naglupad nga abyon sa kawanangan niana nga lugar. Ang aso sa bulkan peligro kay kini makaguba sa propellers ingon man ang turbo compressor blades apil na sa mga bintana niini nga mohatud sa dili tin-aw nga paglawig.

Apan gipasabot ni Ariel Paderan, Laguindingan Airport Media Officer nga tungod niining sitwasyon, mahimo ang mga pasaheros nga mangayo sa refund o ba kaha magparebook sa ilang nakanselar nga flights.

0 comment

Related Posts