Face-to-face classes sa muling pagbubukas ng klase bawal muna — DepEd

Sinang-ayunan ng Department of Education (DepEd) ang naging pahayag ni Pangulong Rodrigo Duterte na suspindihin ang face-to-face classes sa bansa hanggat walang bakuna laban sa COVID-19.

Ayon kay DepEd Secretary Leonor Briones, hindi rin nila pinapayagan ang pagkakaroon ng face-to-face classes sa pagbubukas ng klase sa Agosto, upang matiyak ang kaligtasan ng mga estudyante at guro.

Aniya, ang pagsasagawa ng face-to-face classes ay nakadepende lamang sa risk level ng lugar o di kaya’y kung nasaan ang paaralan.

Dahil dito, kanilang ipapatupad ang blended learning program bilang alternatibong pamamaraan sa pagtuturo sa mga estudyante sa kasagsagan ng pendemyang COVID-19.