Ang provincial government sa Surigao Del Norte bag-o lang nag-pahigayon ug Eskolaran Day nga diin gitambongan kini ni Vice Governor Arturo Carlos Egay Jr. isip maoy mi-representar kay Gov. Sol Matugas, Mr. Willie Gan, Vice President Provincial Affairs, SCCI, ug Rev. Fr. Larry Espuerta, DCS.
Natigayon ang maong Eskolaran Day kagahapong adlawa Enero 28, 2019 sa Provincial Convention Center nga nagdala sa tema nga “Provincial Eskolaran: A Legacy Of Providing Access To Quality Education Through The Years” nga diin gihisgutan ang HEALS program ni Gov. Sol Matugas, Eskolaran Policy, Values enhancement, CHED policy ug business opportunity. Sumala pa ni Vice Governor Egay nga kabahin ang Eskolaran sa HEALS program ni Gov. Matugas. Ang maong kalihukan gitambungan sa kapin kon kulang 500 ka mga estudyante sa Surigao State College of Technology.
