33.8 C
Manila
Friday, March 29, 2024

Enrollment Sa Northern Mindanao Mikunhod

- Advertisement -

Cagayan de Oro City – Adunay siyete (7%) porsyento nga pag-ubos sa basic education registration sa mga estudyante sa Northern Mindanao niini nga school year kon itandi sa 2019-2020. Mao kini ang gisugilon ni DepEd 10- Regional Director Arturo Bayocot diin ang klase opisyal na nga nagsugod niadtong Lunes, Oktubre 5 ug matapos sa Hunyo 16 sa sunod nga tuig.

Sa usa ka Covid-19 inter-agency task force news conference, si Director Bayocot misugilon nga ang ilang opisina nakarehistro sa 1,103,582 ka mga learners niadtong katapusang adlaw sa Setyembre diin adunay pag-ubos sa 82,546 kon itandi sa 1,186,128 ka mga registrants niadtong school year 2019-2020.

Himuon sa maong enrollment, miabot kini sa 93%, labaw sa 80% nga gitarget sa education department. Apan ang registration sa mga private schools sa Northern Mindanao mihagsa sa 48% o 84,164 gikan sa 174 ka libong mga enrollees niadtong 2019-2020 period.

Gibutyag ni Dir. Bayocot nga adunay moabot upat ngadto sa lima ka libo nga mga estudyante ang namalhin gikan sa private ngadto na sa public schools ug iya usab nabal-an nga adunay temporaryong pagsira sa 48 ka mga private schools sa tibuok rehiyon.

Ang health pandemic matud niya maoy nakaapekto pag-ayo sa kinitaan sa mga ginikanan nga kaniadto nagpaeskwela sa ilang kabataan sa private schools. (Philippine Information Agency-10)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -