Duterte umaasang ipagpapatuloy ng susunod na lider ng bansa ang ‘war on drugs’

Umaasa si Pangulong Rodrigo Duterte na ipagpapatuloy ng susunod na lider ng bansa ang kampanya kontra iligal na droga ng pamahalaan.

Ito ang pahapyaw na sinabi ng Pangulo sa kanyang talumpati sa paggunita sa ika-156 na anibersaryo ng kaarawan ni Andres Bonifacio noong nakaraang Sabado, Nobyembre 30.

Ayon sa Pangulo, maituturing na sagradong tungkulin ang giyera kontra droga ng pamahalaan kung kaya’t hiling nito na hindi malimutan ng susunod na lider ang sasawata dito.