Duterte tiwalang kayang hawakan ng militar ang umano’y Chinese ‘threat’ sa NGCP

Tiwala si Pangulong Rodrigo Duterte na kayang hawakan ng militar ang posibleng banta sa seguridad sa pagkokontrol ng isang Chinese state firm sa National Grid Corporation of the Philippines (NGCP).

Ito ang naging pahayag ng pangulo sa kanyang press briefing sa Malakanyang kagabi, kasunod ng napa-ulat na 40% ng NGCP ay pagmamay-ari ng China.

Naniniwala naman ang pangulo sa sinabi ng China na walang dapat ipangamba ang bansa kaugnay sa isyu ng seguridad.

Samantala, hindi naman nakaligtas si Retired Senior Associate Justice Antonio Carpio sa patutsada ng pangulo na isa siya sa mga nagpahayag ng pangamba sa Chinese control sa NGCP.