- Advertisement -
Nakatakdang maglabas ng executive order ang Pangulong Rodrigo Duterte para sa mas mabilis na transaksyon sa gobyerno.
Pinakilos ng pangulo si Budget Secretary Wendell Avisado na madaliin din ang paglalabas ng pondo para sa mga naapektuhan ng pagsabog ng Bulkang Taal.
Sinabi ng pangulo na kapag may request ang local government official na dagdag pondo, hindi na dapat upuan ang mga papeles at hingan pa ang napakaraming requirement o di kaya’y padaanin pa sa iba’t ibang opisina.
Mas mabuti aniyang kaagad i-release ang pondo sa loob lamang ng isa o dalawang araw.
Tiniyak naman ni Avisado na sapat pa naman ang pondo ng gobyerno para ayudahan ang mga naapektuhan ng pagsabog ng nasabing bulkan.
- Advertisement -