Duo Busted for Violating Illegal Drugs and Illegal Position of Firearms.

Duo Busted for Violating Illegal Drugs and Illegal Position of Firearms.

by RPN News
115 views

Davao City:   Sikop sa mga sakop sa Buhangin Police Station ang duha ka mga tawo nga dunay illegal nga binuhatan sa may buhangin ning syudad sa Davao. Giila ang mga dinakpan nga sila ni Jull Anthony Galaura Aceron alyas “FUGI” kinsa nalakip sa Drug Independent Watchlist Street level sa Kapolisan, 33 anyos ang panuigon, minyo nga contruction worker ug nagpuyo sa Fatima Village Buhangin ning syudad.

Ikaduha sa dinakpan mao si Gil Florida Gonzales alyas “GIL” nga nalakip usab sa Drug Independent Watchlist street level sa Kapolisan, 42 anyos ang panuigon, minyo, self employed nga nagpuyo sa Purok 16, Bunawan ning syudad sa Davao.

Nasayran nga naghimo ug Buybust Operation ang Kapolisan didto sa may Orchids road kilid lamang sa Lamb of God Sped School sa Barangay Buhangin ning syudad dihang si alyas “FUGI” ug “GIL” napalitan sa gisuspitsahang shabu sa usa ka Police poseur-buyer.

Nakuha gikan sa posisyon ni alyas “FUGI” ang laing tulo ka mga sachet sa shabu samtang duha ka sachet sa shabu ang anaa sa posisyon ni “GIL” lakip ang buy-bust money. Dugang nakuha sa posisyon sa dinakpan ang usa ka Sling Bag nga kolor itom nga dunay sulod nga Short Firearms nga .38 caliber revolver nga kolor silver apan way serial number apan dunay marka sa handle nga R-1958.

Nakompiska sa duha ka mga dinakpan ang usa ka itom nga MIO motorcycle nga nagtangag sa Plate number LA11992 nga giingong ginagamit sa illegal nga pagpamaligya ug Droga.

Kasong pagsupak sa Section 5, 11 sa Republic Act  9165 ug Republic Act 10591 ang posibleng atubangon sa duha ka mga dinakpan samtang ang nakompiskang shabu ang gidala sa Crime Laboratory alang sa mas lawom nga pagsusi.

0 comment

Related Posts