Cebu City – Gipangulohan mismo ni Kalihim William Dar sa Department of Agriculture ang turnover ceremony sa ₱ 85.9 milyon nga balor sa agri-fishery projects sa Cebu ug Bohol.
Mianhi sa Sugbo si Dar alang sa tulo ka adlaw nga kalihokan sugod gahapon.
Gawas sa turnover ceremony, gitakda usab tambongan ni Dar ang agri-fishery interventions awarding.
Si Dar uban ni Gob. Gwendolyn Garcia, DA 7 Regional Director Atty Salvador Diputado ug ubang opisyal miduaw sa pipila ka urban garden winners sa Mandaue City ubos sa Sugbuanong Busog, Luwas ug Himsog o SUGBUSOG Program.
Sa nasayran, ang Mandaue ang labing daghan og midaog sa kontes sa pagpananom og utanon bisag usa kini ka highly urbanized city.
Ang SUGBUSOG program usa ka vegetable gardening project sa Province of Cebu nga nagdasig sa kabalayan, katawhan, ug local government units sa pagpananom ug pag-establisar og nurseries.
Pagka human, milahos si Dar sa Kapitolyo isip pinasidunggang dinapit sa awarding sa mga mananaog sa Sugbusog program.
Samtang sa Bohol, gitakdang i-turnover ni Dar ang pipila ka infrastructure projects nga kantidad og kapin sa ₱ 21milyon nga naglakip sa small water impounding project sa Carmen, farm-to-market road sa Alicia ug diversion dam sa Mabini. (Jhon Tadlip/JTY)
(News & photo courtesy of Cebu Provincial Governor)