umala pa ni Dr. Cheryl Gotinga, OIC Medical Center Chief, kahapon Marso 14, 2020 alas 12:30AM tag-admit an isa ka babaji na 63 anyos na taga-Surigao City.
An pasyente may domestic history of travel gikan sa Manila, nahidangat sa Surigao City Marso 1, 2020.
Wayay idja hilanat apan may gamay na ubo sanan nagsuka-suka. Gikan sija tag check up sa isa ka pribado na doctor na amoy rason tag refer sija sa hospital. Dili pa makonpirmar nga positive sa COVID-19 an pasyente kay ipadaya pa an throat swab ngadto sa RITM. Jaon sija kuman sa EREID (Emerging Reimerging Infectious Disease) ward.
Samtang an una na pasyente na gikan sa Cabadbaran City an marajaw na an kondisyon. Taghuyat na lamang an resulta gikan sa Research Institute for Tropical Medicine na posibleng mogawas an resulta kuman umaabot na Martes.
Tagpasabot isab ni Dr. Gotinga na sa sunod na mga referral kon wayay karajaw symptoms o mild symptoms lamang sa COVID-19, an dili anay ini i-admit bisan an category PUI. Laong pa ni Gotinga nga ipa-home quarantine lamang gawas kon may hilanat na. (RPN DXKS)
