Duha ka dakong sunog sa Mandaue miulbo, kanhi huwes ug iyang asawa patay samtang ilang apo missing pa

Duha ka dakong sunog sa Mandaue miulbo, kanhi huwes ug iyang asawa patay samtang ilang apo missing pa

by RPN News
158 views

Cebu City- Gituhoang ila ni Ret. Judge Gerardo Gestopa, 65, ug sa iyang asawang si Louella, 67, ang napalgang duha ka paig nga patayng lawas sa nasunog nilang balay sa brgy. Centro, dakbayan sa Mandaue, luyo sa city hall, gahapon sa buntag.

Nasayran nga kaadlawon pang miulbo ang sunog ug dihang napawong na, naugkat ang duha ka patayng lawas nga gidudahang ilaha ni kanhi Judge Gestopa ug kapikas.

Unang napalgan ang patayng lawas sa babaye nga gisundan sa lalaki dihang nagsugod na ang pakisusi sa kabomberohan sa nakaingon sa sunog sa dalan Zamora.

Sumala pa sa pipila ka tawo nga nagpuyo sa lugar, gisuwayan pagluwas sa kanhi huwes ang iyang apo nga lalaki nga si Jerick, 21, nga usa ka special child.

Hinuon, dili pa makompirmar sa kabomberohan ang ngan ug pagka tawo sa mga nakalas samtang gipangita pa ang lawas sa usa nga gituhoang apo sa magtiayon.

Ang imbestigador sa Bureau of Fire Protection (BFP), SFO1 Noel Codilla, miingon nga miabot og 15 ka balay nga semi-concrete ang naugdaw samtang laing lima ang partially damaged.

Si SFO1 Codilla mibanabana sa danyos sa naasoyng trahedya ngadto sa P185,500 samtang gisusi pa ang hinungdan sa pag-ulbo sa kayo.

0 comment

Related Posts