Giklaro kagahapon ni Acting Alien Control Officer Cesar Arnel Valdez sa Bureau of Immigration Surigao nga wala nila gihold ang 2 ka Chinese National nga midangat sa ilang buhatan alang sa pagpangayo’g extension sa ilang visa.
Kini human masayri nga usa kanila ang kasakay sa unang nagpositive sa NCOV sakay sa Cebu Pacific flight 5J 241 gikan Hongkong paingon sa Cebu.
Sa pagsusi sa iyang travel history nga gikan kini sa Wuhan, China mitawag dayon siya sa mga tinugyanan sa maayong panglawas aron ilhon kon duna kini sintoma sa nCoV. Nahibaw-an nga nahidangat sila dinhi sa atong probinsya miabot na sa 16 ka adlaw ang nakalabay kon lapas na sa 14 days quarantine period. Mitug-an ang maong mga Chinese nga sila mismo nag-self quarantine. Ang DOH walay nakitang sintumas sa duruha ug wala na kini ipailawom isip mga Patients Under Investigation. (Shela Salar, Ronda 5 RPN DXKS)
Sa picture si Bureau of Immigration Surigao Alien Control Officer Cesar Arnel Valdez