Cebu City – Mopahigayon ug search and rescue operation karong adlawa ang Toledo City Disaster Risk Reduction Management Office human sa nahitabong landslide sa Carmen Copper Corporation (CCC), alas 4:15 kagahapon, Disyembre 21, 2020.
Giila pa karon ang identity sa gikatahong duha ka mga namatay.
Nakuha pa sa usa ka video ang aktwal nga pagka hagsa sa portion sa pangpang sa pit ug madungog ang radio communication nga nag abiso sa movement delikado ang area ug kinahanglan ilibre ang mga tawo ug dili na padoolan.
Madungog sab ang istorya sa radio nga dunay nagmando ipasaka ang backhoe.
Miluwat na ug official statement ang CCC ug gikonpirma nga dunay nahitabong landslide sa Carmen Pit, ang ilang mining site, alas 4:15 sa hapon, Disyembre 21, 2020
Matod sa management sa kompaniya nga nahitabo ang landslide gumikan sa sunud sunod nga pag-uwan ug nakadugang niini ang Bagyong Vicky.
Gipasalig sa kadagkuan niini nga ilang himoon ang tanang kinahangkan nga aksyon pag asses sa kinatibuk-ang sitwasyon.
Matod pa nga Ila sab nga ipadayon ang pagpahibaw sa hingtungdang ahensya lakip na ang publiko sa dugang kalamboan. (Jhon Tadlip/JTY)
(Source & photos courtesy of Carmen Copper Corporation (Official Statement) | Toledo City Public Information Office | CDRRMO)