27.2 C
Manila
Friday, March 29, 2024

Dugang Health Advisory Batok COVID-19 Gimando Sa Provincial IATF Sa Mga Kapitanes

- Advertisement -




Aron mas masunod pa sa katawhan ang mga giya ug gabayan batok sa Covid-19 diha mismo sa ilang tagsa-tagsa ka mga tugkaran ingon man pagpalig-on sa kaluwasan ug seguridad sa tibouk katawhan sa lalawigan sa Misamis Oriental.

Ang Provincial Inter-Agency Task Force (PIATF) nagpagawas og dugang Health Advisory nga gimando alang sa mga Barangay Health Emergency Response Team (BHERTs) nga gipangunahan sa mga Barangay Kapitan.

Tumong ni Governor Bambi Emano ug PIATF Chief Dr. Jerie Calingasan niining maong kamandoan aron matabangan ug dili na mokaylap pa ang makapatay nga Covid-19 labina nga ang Cagayan de Oro nga kasikbit nga siyudad ang ubos karon panahona sa Modified Enhanced Community Quarantine kun (MECQ).

Ang Provincial IATF nagtinguha nga malikayan ang grabe nga trapiko sa mga quarantine checkpoint diin gituohan nga ang istrikto nga pagsusi sa mga dokumento sa pagbiyahe sama sa mga APORs nga nagpamatuod nga ang magbiyahe adunay usa ka lehitimong katuyoan sa siyudad.

Ang mga importanteng nadugang sa Health Advisory mao ang minimum public health standards sama sa kanunay nga pagsul-ob og face mask ug face shield, social distancing, kanunay nga maghugas sa kamot, pagtsek sa temperatura kon mogawas ug mosulod sa puloy-anan o trabahoan.

Ang mga Barangay Tanods nga mga miyembro sa BHERT maoy mo implementar ug moimposar sa tanan mga balaodnon nga gimando.

Ang mga Barangay Captain kinahanglan nga mag himo og 24 hours duty schedule aron masiguro ang bisibilidad sa mga Barangay Tanod.

Ang kagamhanan sa probinsyal sa Misamis Oriental kinahanglan nga maghatag og financial assistance nga ₱ 4,500.00 matag barangay aron maimplementar kini nga kamandoan.

Lakip ang mga Purok Leaders ang gimando nga mopartisipar sa pagbadlong sa mga residente nga adunay kasupakan sa mga gabayan batok sa makamatay nga virus labina ang mga nisulod ug gawas sa barangay.

Gikinahanglan sab sa BHERTs nga magmonitor ug mag-regulate sa mga kalihokan sa mga residente sa Barangay. Mga importanteng panagtigom limitado lamang sa 30 porsiyento nga kapasidad ug labaw sa tanan kinahanglan monitoron sa BHERTs ang mga adunay gipangbati sa Barangay sama sa Influenza Like Illness (ILI).

Gidili ang mga selebrasyon sama sa Fiesta, Birthday, Wedding, Death Anniversary o uban pa nga okasyon nga karon wala na gikonsidera nga importante ning nagkataas ang kaso sa Covid-19.

Ang haya nga dili gumikan sa sakit nga Covid-19 kutob lamang sa tulo ka gabii, 5 ka tao lamang ang makavigil sa sulod ug dili moubos sa 20 ka tao ang motambong sa lubong.

Ang tipik sa mga kamandoan gihinaot ni Gobernador Bambi nga makatabang nga masulbad ang problema sa Covid-19 labina gikinahanglan ang tabang sa matag usa kay ang ihap sa mga nataptan sa makamatay nga virus mahimong maminusan kung magpadayon ang panaghiusa.

(Source: Northern Mindanao DAILY Source Facebook page, photo courtesy Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -