Dugang 100K Ka Bakuna Paliton Sa Syudad

Gimandoan ni City Mayor Oscar S. Moreno si City Health Insurance Officer Dr. William Bernardo, head sa Logistics Task Group, nga magdugang og palit sa 100,000 doses sa bakuna batok COVID-19 alang sa vaccine rollout sa syudad isip augmentation sa supplies gikan sa Department of Health.

Kahinumduman una nang nag-order ang syudad og 100,000 ka doses nga bakuna.

Tungod niini, moabot na sa 200,000 ka doses sa bakuna ang paliton sa syudad o’ magsilbi nga duha ka doses sa 100,000 ka mga Kagay-anon.

Moabot sa gibana-banang 700,000 ka mga molupyo sa Cagayan de Oro ang target mabakunahan batok COVID-19. (City Information Office)