Mangrugi ita a semester dagiti dua a baro nga scholarship program ti gobierno probinsial.
Imbatad ni Mrs. Carolyn Juan Agcaoili ti Provincial Education Office a dagitoy ti Agriculture and Fishery Program ken ti Arts Scholarship Program.
Inlawlawagna nga iti Agriculture and Fisheries, umabaot iti tallo gasot dagiti scholar ti probinsia iti sekondaria ken walopulo iti kolehiyo.
Segun kenkuna, dagiti adda iti sekondaria ket maniput iti grade 9 agingga iti grade 12 idinto a duapulo ti maala ken walopulo iti kada tawen iti kolehiyo.
Inbunannag ni Agcaoili a dagiti adda iti sekondaria ket umawatda iti dua ribo a pisos nga stipend iti kada bulan.
Nupay kasta, kunana a dagiti nadakamat nga iskolar ket masapul nga itultuloyda ti panangalada ti kurso nga agrikultura apaman a sumreken daitoy iti kolehiyo.
Kabayatanna, dagiti adda iti kolehiyo, dagiti adda iti first ken second year ket lima ribu a pisos iti kada semester ken adda pay ti nayonna a lima ribu a pisos para iti laboratorioda iti makatawen idinto  a dagiti adda iti third year ket lima ribu a pisos ti stipendda iti binulan, umawat pay ti sangapulo ribu a pisos para iti ‘’thesis writing’’ ken lima ribu a pisos a par laboratorioda ken ti fourth year ket lima ribu a pisos para iti thesis defense’’ dagitoy ken lima ribu a pisos para iti dadduma pay a paggastuanda.
Innyonna a dagiti iskolar ti probinsia iti arts ket tallo gasut nga agpapada nga adda ti sekondaria ken dagitoy dagiti mangal-ala iti visual arts, drama and theater. Music arts, creative writing ken dance arts.
(Cita Macalipis, RPN DZRL Batac Correspondent)
(Source: Provincial Government of Ilocos Norte)