DTI nais ang pagtatayo ng pasilidad ng mga Indian pharmaceutical companies sa bansa

Nais ng Department of Trade and Industry o DTI na magtayo ng pasilidad ang mga Indian pharmaceutical companies sa bansa.

Ito ayon kay Trade Sec. Ramon Lopez kung saan sa pamamagitan aniya nito ay mapabababa ang presyo ng gamot sa Pilipinas.

Ani Lopez, ang India kasi ay isa sa pinaka malaking pharmaceutical companies sa Asya.

Kaugnay nito, sinabi naman ni Health Undersecretary at FDA OIC na si Eric Domingo na maganda ang magiging epekto nito sa Pilipinas.

Paliwanag ni Domingo, maganda naman ang relasyon ng dalawang bansa lalo na’t magiging malaki ang pangangailangan ng pamahalaan sa gamot matapos maisabatas ang Universal Health Care Law.