Tagoloan Misamis Oriental – Padayong giimbistigahan ang usa ka anggulo sa oagousil patay sa usa ka lalaki didto aa Tagoloan Misamis Oriental tungid kay adunay nakuhang text messages gikan sa cellphone sa lalaking gipusil-patay sa wala maila nga suspetsado!
Matud ni Tagoloan Municipal Police Station Investigator on case PSSg. Roldan Laguy nga 1:30 sa sayo sa kabuntagon sa Setyembre 29 ning tuig sa Zone-2 Poblacion Tagoloan Misamis Oriental
nga adunay katagbo ang biktima nga si Neil Caloña Zambrano, 55-anyos, olitawo, ug molupyo sa Zone-2 Poblacion Tagoloan Misamis Oriental apan adunay mikalit og duol nga lalaking nakahelmet ug daling pusil sa ikatulong higayon.
Misakay matud pa sa Honda Click ang suspek nga solo rang mihimo sa krimen ug daling misibat sa wala mapiho nga direction.
Gidugang pa nga nakuha sa crime scene ang tulo ka empty shell sa .45 caliber nga armas nga giingung nakaigo sa biktima rason nga naka-angkon kini og samad sa aping, tiyan ug kamot.
Padayon pa’ng nagpahigayon og hot pursuit operation ang Tagoloan Police batok sa gawasnong responsable.