29.5 C
Manila
Friday, March 29, 2024

Driver, Duha Ka Angkas Ug Walo Ka Baboy Patay Human Naka Sungag Ang Bus Ug Motorcycle With Side Car

- Advertisement -

Dead on the spot ang driver ug duha ka angkas niini nga sakay sa isa ka motorsiklo nga adunay sidecar nga may kargang walo ka mga baboy human nga aksidenting naka sungag ang bus sa may Purok-8, Barangay San Pedro, Alegria, Surigao del Norte pasado alas 1:35 ang takna sa hapon Disyembre 30, 2019.

Naila ang mga biktima nga sila ni Victorio A. Nasayao, 48 anyos, menyo, drilling operator, residente sa Barangay San Pedro, Sison, Surigao del Norte; Sonny Boy Opolisintima Rebosora, 48 anyos, ulitawo, miyembro sa CAFGU naka base sa Barangay Mabuhay, Sison, Surigao del Norte, ug Alexis Estrada Glover, 18 anyos, ulitawo, high school student, taga Purok-6, Brgy. San Pedro, Sison. Sakay sila sa motorsiklo nga Skygo King nga adunay side car, temp. Plate No. 150103, color itom samtang ang kasugat niini mao ang isa ka Hino Truck Bus (non-aircon), Body No. 3110, Plate No. KVU 821, color yellow, naka rehistro sa Bachelor Express Inc. Butuan City nga gimaneho ni Neil Taperla Galinato, 31 anyos, adunay live-in partner, bus driver, kasamtangan nagpuyo sa Purok-3, Barangay Ginabsan, Buenavista, Agusan del Norte, ug lumad nga taga 122 Ilang-Ilang St. Ligas 3, Bacoor, Cavite.

Sa imbestigasyon ni PSSg Roselito Botona Dumanjog II nasayran nga nagbiyahe ang motorsiklo gikan sa Alegria pasingod sa Sison nga adunay karga nga 8 ka mga baboy samtang ang bus nga adunay 27 ka mga pasahero nagdagan sa opposite nga direksyon. Apan pag-abot sa lugar nga diin nahitabo ang aksidente sa lugsongon nga dayan sa Purok-8, Barangay San Pedro, Alegria ang kalit mibuto ang ligid sa side car rason nga nawad-an ug control ang driver sa motorsiklo dajun deretso sa pikas dayan nga miresulta sa pagkasungag sa bus.

Tungod sa kakusog sa pagkadasmag, si Sonny Boy Opolisintima Rebosora ug Alexis Estrada Glover lakip na ang 4 ka baboy ang nipilit sa atubangan sa bumper sa bus samtang si Victorio A. Nasayao ug ang laing 4 ka baboy ang milagpot sa dayan nga miresulta sa ilang hinanaling kamatayon. Ang patay’ng lawas sa 3 ka mga biktima ang anaa karon sa Gades Funeral Home Services, Barangay Magpayang, Mainit, Surigao del Norte. Samtang ang bus driver lakip na ang duha ka mga vehikolo ang jaon sa kustodiya sa Alegria Police Station. (RPN DXKS via Ronda 21 Mark James Lisondra)

*Pictures courtesy of Gaby Rivas Saura

*Screenshots from CCTV thru Glenn Lulab 3G Gas Station

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -