Mag-atubang sa kasong Violation sa PD 705 ang driver ug tulo ka kaubanan human nasakpan sa Lipata Ferry Terminal nga nagkarga sa hardwood nga magkuno gipailawom sa sinakong kalabasa.
Ang joint operation sa City PNP nga gipangulohan ni Lt. Col. Christian Rafols II, Regional Maritime Group 13, Philippine Coast Guard, Regional Intelligemce Division 13 ug CENRO misikop kaganihang alas 4:00 sa kaadlawon, Pebrero 17, 2020 kanila Valentino G. Montilla Jr, 34 anyos, married, driver, taga 337 Diamante st., Brgy. Deparo, Caloocan City kauban sila Eugene B. Miracap, 40 anyos, separated, porter, taga Merry Homes, Brgy. Camarin, Caloocan City; Rodelito L. Sablas, 55 anyos married, porter, taga Purok 5, Brgy. Poblacion, Prosperidad, Agusan del Sur ug Rosseller G Ramos, 54 anyos married, farmer taga Purok 6 Gata, San Agustin, Surigao del Sur.
An Regional Maritime Unit kagahapon Pebrero16, 2020 sa may alas 10:02 sa buntag nakadawat nan informatiön gikan sa Regional Intelligence Division nga usa ka white wing van gikan sa San Agustin, Surigao del Sur kargado sa hard wood magkuno species.
Ang nakompiskar nga 9 ka magkuno sawn lumbers lakip ang wing van ug mga suspects anaa karon sa kustodiya sa City PNP. (Mark James Lisondra, Ronda 21 RPN DXKS)