Cebu City- Nakatala na ang Department of Health o DOH-7 og lapas sa 8 mil ka kaso sa coronavirus disease o COVID-19.
Hangtod ssa milabayng adlaw, miabot na og 8,230 ang tanang nataptan sa virus sa rehiyon.
Ang maong gidaghanon natala sud lang sa tulo ka adlaw gikan sa kapin sa 7 mil nga marka niadtong Hunyo 25.
Pero sa  8,320 nga ihap, 5,044 ang maisip nga aktibo ug 2,924 ang naulian.
Kadaghanan sa mga pasyente nga gimonitor nagpabilin pa sa isolation sa mga quarantine facilities.
Apan ang gidaghanon sa mga naadmit sa tambalanan padayong nagsaka sa milabayng pipila ka adlaw.
Ang DOH-7 nakatala og 2,321 ka pasyente sa covid 19 nga ubos pa sa pag-atiman sa mga tambalanan.
Labaw sa tibuok gidaghanon sa mga nataptan sa virus lakip sa mga naayo natala sa Cebu City nga giilang epicenter sa outbreak sa virus sa rehiyon 7.
Sa pikas bahin, miabot na og 252 ang tanang namatay sa Covid 19 sa sa Central Visayas diin 157 ang nagpuyo sa dakbayan sa Sugbo.
Ang probinsiya sa Sugbo nga dili pa dugayng mitungtong sa usa ka libo nga ihap sa mga kaso sa virus nakatala og 68 ka patay
Sa nasayran, gawas sa Cebu City, ang entiro Central Visayas ubos sa GCQ o General Community Quarantine.