DOH: 14 COVID Deaths Sulod Sa Usa Ka Adlaw Sa Soccsksargen

Katorse ang natala nga patay sulod lamang sa 24 oras sa Region 12, gumikan sa coronavirus disease 2019 pandemic.

Base sa June 16 case bulletin sa Department of Health,  miambak na sa 494 ang death toll sa rehiyon, diin, lakip ang maong mga newly-reported fatalities.

Ang mga nasampit ang gilangkuban sa upat sa Sarangani; lima sa North Cotabato; upat sa South Cotabato ug usa sa General Santos City.

Gikan sa kinatibukang ihap, anaa sa 151 ang patay sa GenSan; 134 sa North Cotabato; 29 sa Sarangani; 130 sa South Cotabato ug 50 sa Sultan Kudarat. (DOH Region 12)