Patay gyud ang upat ka mga lalaki nga sakay sa Toyota Wigo human gikabangga ang 22-wheeler truck didto sa Bulobogan, lungsod sa Pinamungajan pasado alas 3 sa kadlawon, niadtong Oktubre 12, 2024.
Giila ang nga drive sa awto nga si Raydel John Book, 20-anyos nga taga Tubod Toledo City nga namatay on the spot uban si Stephen Saborrido nga taga Ormoc City.
Samtang mitaliwan sa tambalaban silang Rev Luther Alolo taga Lila Bohol ug Jade Engle taga Sagkahan Tacloban City.
Gikustudiya na ang drayber sa trailer truck mao si Diomar Caballero, 39-anyos nga taga Cabitoonan, Toledo City.
Sa impormasyon ni Rayman Book, amahan ni Raydel John giingong nananghid kini nga muadto ug imnanan kagabie human kini niuli gikan sa siyudad sa Sugbo kuyog iyang mga kauban sa dormitoryo aron mamista sa Tubod.
Gikan sa imnanan sa Poblacion giingong mo paingon unta sila si Raydel John sa Aloguinsan aron pag-adto sa iyang uyab dihang gikasugat ang trailer truck nga maghakot ug feeds. (Renante Lada)