Cebu City – Bag-o na ang director sa Police Regional Office o PRO 7 sugod gahapon.
Pormal nga gipahigayon ang turnover ceremony sa Camp Sergio Osmeña sa dakbayan sa Sugbo alang sa paglingkod ni Brig. Gen. Ronnie Montejo puli kang Brig. Albert Ignatius Ferro nga gibalhin sa Kampo Krame.
Si Montejo ang kanhi director sa QCPD o Quezon City Police District.
Si Lt. Gen. Guillermo Eleazar, deputy chief for administration sa PNP, ang nag-preside sa turnover ceremony.
Sa nasayran, natudlo si Ferro isip pangu sa PRO-7 niadtong Pebrero 6 ning tuiga.
Una niini, gipahibawo ni PNP Chief Gen. Debold Sinas ang lapad nga paglahugay sa mga opisyal sugod gahapon tungod sa tulo ka heneral nga moretiro karong buwana.
Panahon sa iyang termino, si Ferro gisagop isip anak sa siyudad nunot sa commendation nga nadawat sa PRO-7 sa malamposong kampanya batok sa kriminalidad ug pagpatuman sa minimum health standards batok sa pagkatap sa coronavirus disease o COVID-19.
(Jhon Tadlip/JTY)
(Source & photo courtesy of PRO 7)