Gihisgutan ang rehabilitation plan sa Zamboanga Nickel Corporation atol sa meeting uban sa mga opisyal sa DENR, Mines and Geosciences Bureau o MGB ug mga representante sa kompanya. Ang maong panag-istorya gi-arrange sa DENR Central Office aron mapresentar sa mining company ang ilang rehabilitation plan.
Gipangayo usab ni Cong. Ian Amatong ang regular nga updates kabahin sa rehabilitation efforts aron mamonitor ang pagtuman sa mga responsibilidad sa tanang partido ug ang aktuwal nga pagpatuman sa mga lakang sa rehabilitation.
Atol sa meeting, gipahayag usab ni Amatong ang iyang pagkadiskontento sa mga pamaagi nga iyang giingong gigamit ni MGB Regional Director Engr. Hernani Abdon, ug gipasiugda ang panginahanglan sa accountability ug mas responsive nga pag-atubang sa mga concern sa 3rd District.
Isip sunod nga lakang, magpadala ang MGB Central Office og audit team sa 3rd District sa unang semana sa October aron susihon ang kahimtang ug pagtuman sa mga commitment sa rehabilitation. Nag-ingon si Amatong nga padayon niyang mamonitor ang mga kalamboan sa maong isyu.(JENIFFER JR. DELICA)
Source: Team Adrian Amatong