Himas rehas na karon ang usa ka wanted sa katilingban, nga adunay kasong murder pinaagi sa gipahigayon nga Joint Law Enforcement Operation sa kapulisan didto sa Brgy. Mahayahay, Segio Osmena, Zamboanga Del Norte, Octobre 14, 2024.
Ang dinakpan nailhan nga si alyas Paul, 31 anyos, ulitawo ug lumulupyo sa nasangpit nga dapit diin nasikop pinaagi sa operatiba sa Sergio Osmena MPS, kauban ang CIDG Zamboanga Del Norte, RMFB 9, 901st Maneuver Company, ug 5th Special Operating Unit didto ra usab sa pinuy-anan niini bitbit ang warrant of arrest sa nasangpit nga kaso.
Ang maong dinakpan walay girekomendar nga pyansa ang korte, samtang ang dinakpan ang anaa sa kustudiya sa CIDG Zamboanga Del Norte alang sa tukmang disposasyon. (Angelica T. Obina)
(Source: ZNPPO)