Gipahigayon sa Municipal Gymnasium sa Piñan niadtong Abril 23, 2026 ang pag-apod-apod og hinabang ubos sa Walang Gutom Program, diin daghang benepisyaryong pamilya ang nakadawat og pagkaon ug nagkadaiyang gamit.
Mitambong ug mitabang ang nagkadaiyang ahensya ug kawani aron masiguro ang hapsay ug organisadong dagan sa kalihokan, nga nakahatag og kahupayan sa mga pamilyang nanginahanglan sa komunidad.
Gipasalamatan ang mga kawani sa DSWD-IX, MSWDO, ug KALAHI-CIDSS tungod sa ilang padayon nga suporta ug aktibong partisipasyon sa pagdumala sa maong programa aron maabot sa hustong benepisyaryo ang mga hinabang.
Padayon nga gidasig sa lokal nga panggamhanan ang panaghiusa sa komunidad aron mapalig-on ang kampanya batok sa kagutom ug masiguro ang mas lig-on nga kaugmaon alang sa tanan.(JENIFFER JR. DELICA)
Source: Mayor Rommel Gudmalin