Sikop sa gipahigayon nga buy-bust operation sa kapulisan ang usa ka Habal-habal driver nga nagpayuhot sa ilegal nga drugas mga ala 1:32 sa kadlawon, Septiyembre 19,2024, didto sa Purok Buli, Brgy. Minaog, ning dakbayan sa Dipolog.
Ang dinakpan naila nga usa ka Habal-habal driver, lalaki, 39 anyos ug residente sa Purok Anahaw, Brgy Galas, Zamboanga Del Norte.
Nasikop kini pinaagi sa Dipolog CPS (SDET) personnel pinangulohan ni PLTCOL EDWIN D VERZON (lead unit) kauban ang RDEU 9, ZNPDEU, 1st ZNPMFC ug sa koordinasyon sa ZN PDEA 9.
Nakompiska gikan sa posesyon ug kontrol sa suspek atol sa operasyon mao ang Usa ka piraso sa small sized heat-sealed transparent plastic sachet sa gituohang “shabu” isip buy bust evidence,
Tulo ka piraso sa Small sized heat-sealed transparent plastic sachet sa gituohang “shabu” ang na rekober gikan sa iyang kontrol ug posesiyon, Usa ka piraso sa 1000-peso bill isip buy bust money, Usa ka Driver Licence Card Holder isip container sa shabu, Usa ka unit sa cellphone keypad Nokia Brand Color Red & black combination, Usa ka unit motorcycle Honda RS 125 color black nga adunay temporaryo nga plate number 0901-0525717 ug yabi niini.
Ang mga na rekober nga Drug evidence adunay gibana-bana nga gibug-aton ug mutimbang sa 2 gramos , nga adunay standard drug price nga mobalor sa P13,600.
Ang nakompiska nga drug items gi turned over ngadto sa Zamboanga Del Norte Provincial Forensic Unit para sa eksaminayon, samtang ang suspek anaa karon naka kostodiya sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)