Malamposong gibuksan ang tulo (3) ka adlaw nga “4th Youth Formation Training Seminar” sa buntag, Agosto 3, 2023 didto sa Alberto Q. Ubay Memorial Agro-Technical Science High School, sa Barangay Olingan, ning siyudad.
Ang nasangpit nga kalihokan ang gipasiugdahan sa Sangguniang Kabataan sa Barangay Estaka, duyog usab sa koordinasyon sa Barangay Council niini ug sa City Social Welfare and Development Office, tanan ning atong siyudad.
Sumala sa dugang nasayran nga ang pagpahigayon ning maong kalihokan ang nagtumong sa pag-umol sa atong mga kabatan-onan pinaagi sa pagpanguna sa Sangguniang Kabataan, aron mamahimo silang mga responsableng indibidwal dinha sa atong katilingban.
Atol sa opening program, mipabati sa ilang mensahe sila si Estaka Punong Barangay, Irvin A. Banga ug konsehal Maynard R. Baes, kinsa mi-representar ni City Mayor Darel Dexter T. Uy.
Atol sa dagan ning tulo (3) ka adlaw nga kalihokan, nagkalain-laing hilisgotanan ang gituki sama sa A) Environmental and Climate Change, B) Cultural Differences and Identity, C) Sexual Exploitation and Abuse D) Social Media Literacy E) Kabataan Kontra Droga at Terorismo ug uban pa.
Kining maong kalihokan ang gisalmotan sa mga kabatan-onan nga miyembro sa Sangguniang Kabataan sa Barangay Estaka, ug kining maong kalihokan ang nagdala sa tema nga “Crossroads: What to do when you don’t know what to do”.
(Source: Dipolog City Government Facebook page)