Ang mga PNP personnel sa Zamboanga del Norte Provincial Intelligence Unit kauban ang 1st Provincial Mobile Force Company, Highway Patrol Unit 9, Dapitan City Police Station ug Sindangan Municipal Police Station nagpahigayon og intel-driven operation batok sa wanted person sa Brgy. San Pedro, Dapitan City alas 3:49 sa hapon niadtong Septiyembre 2, 2023.
Ang operasyon miresulta sa pagkasikop ni Marvin Loguin Jamarolin, 40 anyos, ulitawo, walay trabaho ug residente sa Brgy. North Poblacion, Polanco, Zamboanga del Norte.
Ang pagkasikop gihimo pinaagi sa warrant of arrest sa krimen nga Carnapping, nga giisyu ni Hon. Abraham Sindadoc Marcaban, Presiding Judge, Branch 11, 9th Judicial Region, Sindangan, Zamboanga del Norte pinetsahan Agosto 2, 2022, nga walay piyansa nga girekomendar.
Nasakmit gikan sa iyang possession ang usa ka unit sa motorsiklo nga Yamaha Aerox nga narehistro sa pangalan ni Alien G Dela Cruz.
Ang mga nakumpiska nga butang ug ang nadakpan nga wanted person anaa na sa kustodiya sa Dapitan City Police Station alang sa tukmang disposasyon.
(Source: PNP ZamPen)