Dakpan ang usa ka nagpayuhot sa ginadiling druga sa gikasa nga drug buy bust operation sa Dipolog City PNP sa Purok School Zone, Brgy. Turno ning dakbayan sa may alas 12 sa tungang gabie, sa Dominggo Octobre 6 ning tuiga.
Ang dinakpan nga si Alyas Raul, 32 anyos,kasamtangang nanimuyo ra usab sa nasangpit nga barangay kinsa nakuhaan sa usa ka gamay nga pakete sa shabu isip buy bust item ug 500-peso bill nga buy bust money.
Nakuha usab gikan sa iyang posisyon ang uban pang mga drug paraphernalias ug personal nga mga kagamitan niini. Ang mga nakompiska nga item adunay timbang sa 1 gramo nga gituhuang shabu nga adunay estimated street value nga P6,800.00.
Ang maong mga ebedinsya nga nasakmit gi turn-over na kini sa ZN Provincial Forensic Unit, samtang ang suspetsado ang anaa na sa selda sa Dipolog CPS ug mag-atubang sa kasong kalapasan sa R.A 9165 kon Comprehensive Dangerous Drugs Act of 2002. (Angelica T. Obina)
(Source: Dipolog CPS)