Sikop ang usa ka contruction worker sa kaso nga Direct Assault sa gipahigayon nga Joint Law Enforcement Operation, nga gipasiugdahan sa mga kapolisan sa Polanco Municipal Police Station, didto sa Purok Gampis, Barangay Sicayab, Dipolog City Oktobre 14, 2024.
Nailhan ang dinakpan nga si Leonilo Pigaredo Osorio, 42 anyos kasamtangang nanimuyo sa Barangay Liyang, Dakbayan sa Dapitan ning Probinsiya, diin nasikop kini pinasikad sa Warrant of Arrest nga ubos sa Criminal Case Number 2460, diin giisyu ni Judge Pio D. Velasco, Acting Presiding Judge sa Municipal Trial Court, Polanco, Zamboanga Del Norte.
Kahibaloan ang maong suspetsado gitugotan sa korte nga maka pyansa para sa temporaryon niining kagawasan, sa kantidad nga Php12,000.00 ka pesos, sa pagkakaron ang dinakpan anaa na sa kustodiya sa Polanco PNP alang na sa tukmang disposasyon. (Angelica T. Obina)
Source: PNP