RIZAL, ZAMBOANGA DEL NORTE — Giablihan na sa lokal nga kagamhanan sa Rizal ang Provincial Scholarship and Educational Assistance Program aron hatagan og higayon ang mga kabatan-onan nga makapadayon sa kolehiyo.
Sumala sa pahibalo, modawat og aplikasyon gikan Abril 13 hangtod 14, samtang ipahigayon ang screening ug interbyu sa Abril 15. Gikinahanglan sa mga aplikante ang mga dokumento sama sa school records, good moral, residency ug indigency certification, uban pang kinahanglanon.
Ang programa nagtumong sa pagtabang sa mga estudyanteng adunay limitadong kapasidad pinansyal aron makab-ot ang ilang pangandoy sa edukasyon.
Giawhag sa LGU ang tanang kwalipikadong Rizalnon nga mo-apil sa programa ug pahimuslan ang maong oportunidad alang sa mas hayag nga kaugmaon.(JENNIFER JR. DELICA)
Source: Municipality of Rizal