Mga sakop sa Regional Drug Enforcement Unit 9 uban sa mga operatiba sa Labason Municipal Police Station, 2nd Zamboanga del Norte Provincial Mobile Force company ug 901st Maneuver Company nagpahigayon og hiniusang buy-bust batok sa ilegal nga drugas sa Purok 3A, Barangay Lopoc, Labason, Zamboanga del Norte alas 12:15 PM sa Septiyembre 14, 2023.
Ang operasyon miresulta sa pagkasikop ni Jessan Cuevas Acla a.k.a. “Balingkong”, 28 anyos, lalaki, ulitawo, residente sa Purok 4, Barangay Antonino, Labason, Zamboanga del Norte.
Nasakmit atol sa operasyon ang unom ka heat-sealed transparent plastic sachet adunay sulod nga puti nga crystalline substance nga gituohang shabu nga motimbang og 5 gramos nga adunay standard nga presyo nga PhP 34,000.00, usa ka Winston cigarette pack nga gigamit isip sudlanan sa gituhoang shabu, usa ka blue lighter ug usa ka piraso nga tinuod nga PhP 500.00 bill nga gigamit isip buy-bust money.
Ang mga nakumpiska nga drug items gidala sa Zamboanga del Norte Forensic Unit alang sa eksaminasyon samtang ang dinakpan nga suspek anaa na sa kustodiya sa Labason Municipal Police Station alang sa tukmang disposasyon.
(Source: PNP Zampen)