Nakaplagan ang patayng lawas sa usa ka lalaki nga naglutaw sa kadagatan sa lungsod sa Jose Dalman Zamboanga Del Norte pasado ala una sa hapon, Oktubre 8, 2024.
Nailhan ang patayng lawas nga mao si Bonifacio “loloy” Lagumbay, 58 anyos, taga La Union, lungsod sa Labason sakop ning probinsya sa Zamboanga del Norte diin gikataho na kining nawala kaniadtong Octobre 3 ning tuiga.
Napahigayon ang gihimong operasyon sa pagpangita sa paningkamot sa buhatan sa MDRRMO Jose Dalman inubanan sa mga personahe sa BFP ug PNP, ang pagpangita dul an upat ka oras diin ang lugar nga nahimutangan sa patayng lawas medyo layo pa sa bayboyon nga aduna pay 35 ka milya.
Matud pa nga ang maong biktima gikataho pa kining nanagat kaniadtong Octobre 3,2024 ug wala na kini nakauli nga gituohang naabtan sa dili maayo nga panahon samtang naa pa kini sa lawod.
Sa pagkakaron ang maong patayng lawas gi ila na sa hingtungdang pamilya ug kasamtangan ng gihatagan na sa maayong kapahulayan.(Angelica T. Obina)
Source: JOSE DALMAN POLICE STATION