Malampusong napahigayon dungan sa pagsaulog sa adlawng natawhan atong Presidente sa nasod ang Nationwide Distribution of Comprehensive Government Assistance alang sa Zamboanga del Norte nga nagsumikad sa temang “Serbisyong Dapat Para sa Lahat” ubos sa administrasyon sa pangulo ning atong nasod, diin ang programa gipahigayon didto sa Zamboanga del Norte Convention And Sports Center ning dakbayan sa Dipolog,gikan sa alas 8 sa buntag hangtod alas 5 sa hapon,Septyembre 13,2024.
Ang maong kalihokan gitambungan ni MR. WILBERTH G. MAGALLANES JD,Provincial Administrator Representing Governor Rosalina “Nanay Nene” Jalosjos,ug sa pakigtambayayong sa mga personahe gikan lain-laing ahensya nga gilangkuban nila ni MR. OLIVER B. OMBOS Provincial Director, DILG-ZDN, USEC. ERIC A. AYAPANA Undersecretary for Operations and In-charge of Convergence Projects Department of Public Works and Highways, ATTY. JOSECOR GEPOLONGCA Vice Mayor, Municipality of Siayan Zamboanga del Norte, HON. LORRYMIR S. ADASA Mayor, Municipality of Mutia Zamboanga del Norte, MR. GEORGE VALENTE Agricultural Program Coordinating Officer Department of Agriculture-Zamboanga del Norte, MS. AILEEN MONDEJAR Chief, Labor Employment Officer Department of Labor and Employment Zamboanga del Norte Field Office, MR. LICINIO G. LAÑOJAN Vocational School Administrator III nga nag representar kang MR. ALAN BACATAN, TESDA Provincial Director Zamboanga del Norte, MR. KINNYMAR PAÑARES Regional Satellite Office Pagadian Coordinator Department of Migrant Workers mga indibidwal nga benepisyaryo sa TUPAD Program gikan sa lain-laing mga lungsod Si Provincial Administrator Magallanes isip representante ni Gobernor Jalosjos nanguna sa pagpadayag sa iyang pagpasalamat ngadto sa mga nagkadaiyang ahensya nga nagpaluyo ug miduyog pagpahigayon sa programa nga naghatag ug mahinungdanong oportunidad sa mga lungsuranon nga makabenepisyo sa programa sa lain-laing gitanyag nga serbisyo sa matag ahensya alang sa mga katawhan.
Sa samang higayon, nihatag usab sa ilang tagsa-tagsa ka mga mensahe sila si Provincial Director sa DILG-ZDN, PD Oliver B. Ombos DILG-ZDN, USEC. ERIC A. AYAPANA Undersecretary for Operations and In-charge of Convergence Projects Department of Public Works and Highways.
Ang programa gisundan usab sa usa ka Ceremonial Distribution of TUPAD Payout alang sa mga lungsuranong benepisyaryo sa TUPAD Program ubos sa Serbisyong Dapat Para sa Lahat nga programa ni Pangulong Ferdinand “Bong-bong” Marcos Jr.,ug kalabot usab niini ang Distribution of Certificates- Turnover of Livestock’s ,Farm Machineries and Equipment, usa ka dakong tabang ngadto sa mga benepisyaryo ilawom sa agrikultura.
Dugang pa, si Presidente Marcos nipadayag sa iyang mensahe nga magpadayon ang iyang serbisyo sa katawhan ilawom sa iyang pagdumala.
Samtang atol sa programa mainitong gidawat ug giabi-abi sa mga personahe ug opisyal sa tagsa-tagsa ka mga ahensya ang pagbisita ni Senador Ronald “Bato” Dela Rosa, diin siya nipaambit sa iyang hamubo nga mensahe ngadto sa mga katawhan ug nagkanayo nga kinahanglan ipadayon sa katawhan ang suporta sa atong Gobernador ning lalawigan sa Zamboanga del Norte aron magpadayon sa paglambo ang maayong serbisyo alang sa tibuok probinsya. (Medalyn U. Borja)