Ang buhatan sa Zamboanga del Norte-Provincial Risk Reduction Management Office (ZN-PPO) nagpasiugda sa 3 ka adlaw nga Leadership and Skills Enhancement Training/Seminar for Barangay Public Safety Officers (BPSO) o mas nailhang mga Barangay Tanod sa mga barangay sa Biasong, Punta, Sta Isabel ug Sinaman, nga gipahigayon didto sa covered court sa Barangay Punta, dakbayan sa Dipolog, niadtong Hulyo 29-31 ning tuig.
Ang maong kalihokan gihimo pinaagi sa pakigtambayayong sa Department of the Interior and Local Government (DILG) Dipolog PNP ug BFP.
Tumong niini nga mapalambo, mabansay, ug mahatagan ug batakang kahibalo ug kahanas sa First Aid (FA) ug Basic Life Support (BLS) alang sa dali nga pagtubag panahon sa mga kalamidad.
Sa samang higayon ang Chief sa PDRRMO mihatag ug gibug-aton sa iyang mensahe nga matod pa, Ang mga tanod isip barangay frontliners, motabang sa pagsiguro sa kaluwasan sa katawhan sa kabarangayan, ug sa tabang niini nga pagbansay-bansay, ilang mapalapad ang ilang kahibalo sa ilang mga katungdanan ug mapauswag ang ilang mga trabaho sa ilang tagsa-tagsa ka barangay. (Medalyn U. Borja)
(source: Provincial Disaster Risk Reduction and Management OFFICE-ZDN 2024)