Gipasiugda ni Polanco Mayor Ying Uy ang panaghiusa ug pagtinabangay atol sa iyang unang State of the Municipality Address o SOMA, diin iyang gipaambit ang mga nahimo na sa munisipyo ug ang mga plano pa alang sa Polanco.
Sa iyang pahayag, gipasalamatan ni Uy ang mga opisyal, empleyado, mga lider sa barangay, partner agencies, organisasyon, mga boluntaryo, ug tanang Polancohanon nga nahimong kabahin sa mga programa ug proyekto sa munisipyo.
Matud ni Uy, ang matag kalampusan nga naipaambit atol sa SOMA dili lamang bunga sa usa ka tawo, kundili resulta sa oras, paningkamot, ug pagsalig sa mga tawo nga mitabang sa pagpatuman sa mga programa ug proyekto.
Gipahayag usab ni Uy nga daghan pa ang mga buluhaton ug plano nga gusto nilang mahimong realidad alang sa Polanco. Bisan pa niini, iyang gipaabot ang pagpadayon sa panaghiusa ug pagtinabangay samtang nagpadayon ang iyang pangandoy alang sa mas maayong kaugmaon sa Polanco.(JENIFFER JR. DELICA)
Source: Mayor Ying Uy