Malampusong gipahigayon ang Outreach Caravan Program, serbisyong gipaduol sa katawhan kaniadtong abril 26, 2023 adlawng myerkules nga gipahigayon sa covered court sa Milad Elementary School, Milad, Polanco, Zamboanga del Norte.
Ang outreach program gipanguluhan ni Mayor Evan Hope (Boyet) Olvis, Mayor sa Lungsod sa Polanco kauban ang iyang Vice Mayor Alfredo Bait-it kauban ang mga konsehales niini nga si Hon. Jet-Jet Regencia, Hon.Jenny Rodrigo, Hon. Venson Opulentisma, Hon. Bimboy Insoy ug Hon. Romer Ladera.
Gitambungan usab kini sa mga nagkada -iyang ahensiya sa gobyerno sama sa MSWDO, MUNICIPAL AGRICULTURE OFFICE, DOH, UG CIVIL REGISTRAR alang na sa pagtabang sa mga katawhan labina mahitungod kini sa panglawas ug paghatag usab ug mga butang ug gamit nga labing makatabang ug magamit gayud sa mga katawhan sa ilang panimalay labi na sa ilang uma.
Gitambungan usab kini sa mga BHW Workers sa maong nahisgutang Barangay, mga tinun-an sa tulunghaan ug ang Barangay Opisyales nga gipanguluhan usab ni Barangay Kapitan Nilo Zulueta.
Ang tanang mitambong nakabenipisyo sa caravan ug nakadawat usab sila og mga seedlings para pang-uma nga gikan sa ahensiyang pang-agrikultura, libreng bakuna usab sa mga tawong gusto magpabakuna ug magpa booster shot, libreng tuli usab sa mga bata , birth registration, medical consultation ug dental services alang sa tanang katawhan. (Erlie Grace S. Agapay-DXKD OJT)