Malampuson nga napahigayon ang Media Conference nga gipasiugdahan ni Mayor Seth Frederick ‘Bullet’ Jalosjos City Mayor sa Dapitan City mahitungod na sa 5150 Triathlon sa may Tai Grand Hall, Dakak Park and Beach Resort, kagahapong adlawa, September 07, 2024.
Gisaysay sa Mayor nga mapasalamatan gayud siya nga ang Dapitan City ang napili nga lugar diin ipahigayon mismo ang dakung aktibidadis sa tibuok nasud sa Pilipinas, atol sa malampusong contract signing sa Dakak Expo ug Amlan Purified Water, sa usa ka kontrata nga tunhay nga panag-uban sa matag kalihukan sa nahisgutang dakbayan.
Kahibaloan apil sa misalmot sa maong aktibidad sa mga triathlete ang naggumikan pa sa 15 ka nasud sama sa Japan, Brazil, New Zealand, South Africa, London, ug uban pang partisipante sa nasud sa Pilipinas, ingon man mga lumad nga katawhan sakop sa Dapitan ug sa probinsya sa Zamboanga del Norte, para sa pagsalmot sa gikahinaman sa tanan nga Ironman 5150 Triathlon Dapitan.
Sigun pa sa Mayor sukad napahigayon ang unang event ikaduha na kini katuig sa pagpahigayon sa 5150 Triathlon sa nahisgutang dakbayan, ug adunay 400 ka mga participante diin nakapaambit kini ug dugang kabibo ug kalingawan, kompara sa miaging tuig ug ingon man gadasig sa mga dumuduong nga ma aghat sila sa pag anhi ug ma improbar usab ang turismo sa Dapitan City.
Ang maong event gikalipay ug daku sa mga organizer nga ang maong dakbayan usa sa mga mahinungdanon nga lugar sa Pilipinas diin si Dr. Jose Rizal ang National Hero sa nasud, diin dinhi na exile sa Dapitan City ug gahatag kini ug dugang atraksyon sa pag-aghat sa tanang sumasalmotay.
Si Mayor Bullet matud pa nga usa ka dakong garbo ug dungog sa gipahigayon nga event sa sports ug turismo sa Dapitan diin giila kini nga Shrine City of the Philippines.
Nagmalampuson usab ang Noli Run sa Dapitan City Plaza diin nanguna si Mayor Bullet Jalosjos isip finisher ug gisundan usab sa mga empleyado isip representante sa matag departamento sa City Hall ingun man sa mga private sectors nga nag gumikan pa sa laing lugar aron lang sa pagsalmot sa dakung event.
Ang tanan nasaksihan usab kini sa tibuok kalibutan diin makita sa social media pinaagi sa mga Media Practitioners nga usa sa mga dinapit para musaksi sa dakung event sa maong dakbayan. Anaa usab ang mga katawhan didto nga andam mi saksi sa kalihukan, kung kinsa ang mugawas nga mananaug sa IRON MAN 5150 TRIATHLON DAPITAN karong adlawa September 8, 2024. (Angelica T. Obina)