Gipatuman na sa Dapitan City ang mga proyekto sa school infrastructure aron matubag ang dugay nang panginahanglan sa dugang classrooms ug uban pang learning facilities sa mga pampublikong eskwelahan.
Giila sa City Government ang suporta ni Governor Darel Dexter T. Uy sa pagdala og dugang resources alang sa mga proyekto sa imprastraktura sa mga eskwelahan sa Dapitan. Kauban niini ang padayong paningkamot ni Mayor Evelyn T. Uy sa pagpalig-on sa sektor sa edukasyon sa siyudad.
Kabahin kini sa mas lapad nga paningkamot sa Zamboanga del Norte nga palig-onon ang edukasyon, imprastraktura ug koordinasyon tali sa mga lokal nga panggamhanan. Gipasiugda usab ang panaghiusa ug mas lig-on nga kooperasyon aron mas mapadali ang pag-uswag sa mga komunidad.
Gipunting nga ang kalampusan sa mga proyekto dili lamang masukod sa gidaghanon niini, kundili sa aktuwal nga resulta sama sa nahuman ug magamit nga classrooms ug facilities nga direktang makabenepisyo sa mga estudyante, magtutudlo ug komunidad.(JENIFFER JR. DELICA)
Source: Dapitan City Government