Mipaambit ug pamahayag sa iyang kalipay si Hon. Seth Frederick”Bullet”
Jalosjos, Dapitan City Mayor atol sa pagsaulog sa adlawng natawhan ni Dr. Jose Rizal atol sa gipahigayong launching sa 1st Jose Rizal Legacy Arnis Challenge Tournament, kaniadtong Hunyo 19, 2024.
Matud pa sa Mayor nga maayo ang dagan sa gipahigayon nga paugnat sa kusog tungod kay gidagsa sa nagkalain-laing probinsya apil na ang mga partisipante, mga opisyales nga nagdumala sa grupo gikan sa PICA, aduna usab International Guest nga si Andrea Rollo, kinsa mipaabot usab sa iyang mensahi. Dugang pa sa Mayor nga malipayon kini kung asa si Dr.Jose Rizal maoy mitudlo sa natad sa “ARNIS” ug mao kini ang usa ka butang sa pagpromotar isip parte sa sports tourism sa dakbayan sa Dapitan.
Kahibaloan nga ang mga event sa Dapitan usa si Mayor Bullet nga mipartisipar gumikan gusto niya ipakita ug gidasig ang tanan nga kung mahimo sa Mayor ang natad sa arnis, mahimo usab kini sa uban nga makapartisipar niining klasi sa tanang matang sa sports.Naga-awhag ang Mayor nga kini open sa tanan sa gustong musulay sa sports nga ilang gipromotar.
Si Mayor Bullet naglaom nga kini makatabang ug dad-on ang Dapitan ngadto sa mas taas nga dapit kon sports tourism ang hisgutan dili lang karon nga dunay Ironman International,diin aduna usab International Invitational Tournament sa Arnis.
Kahibaloan, naghandom pa kini nga makamugna, base sa nagkalain-laing mga porma sa mga techniques nga kita makakat-on gikan sa usag-usa. Matod pa sa Mayor nga dako kini ug tabang sa matag Pilipino ug nanghinaot kini makahatag ug kadasig sa mga estudyante nga magpadayon sa hilig sa natad sa paugnat sa kusog engun man nanghinaot kini nga magpadayon sa sunod tuig nga mas dako nga event ug daghan ang mupartisipar nga nakahatag kalipay sa Mayor, bisan tuod sa gamay nga oras, wala kini gadahom nga daghan ang misaksi ug mipartisipar bisan ang taga Manila engun man ang Philippine Army,Philippine Coast Guard aron sa pagpromotar sa National Sports nga mao ang”ARNIS”. Gipangandam usab niini ang umaabot nga ika-duhang hugna sa Ironman diin daghang tawo ang misaksi, diin malipayon kini sa unang event nga gimugna sa Kagamhanang Lokal sa Dapitan.
Dugang pa sa paugnat sa kusog nga gimugna sa dakbayan sa Dapitan pinaagi sa pagpaningkamot sa Mayor, daghan pang mga plano ug programa nga gusto niyang matuman tungod ug alang sa katawhan ilabi na usa usab sa iyang gihingusgan mao ang Anti-Drug Campaign sa dakbayan sa Dapitan, busa usa sa iyang gihimug-atan mao ang paghatag dugang lingaw sa natad sa paugnat sa kusog susama sa iyang hilig niini. (Angelica T. Obina)
(Source: Dapitan City Government)