NAANGKON SA SALUG NATIONAL HIGHSCHOOL ISIP GRAND WINNER SA MAONG SHOWDOWN SA SINALUG FESTIVAL ANG 100K NGA PREMYO atol sa pagsaulog sa ika-65 nga ka tuig sa pagkahimugso sa lungsod sa Salug, Septembre 18,2024. Sa ikaduhang dapit naangkon sa Balakan National High School diin naangkon ang premyo nga P80,000,00sa ikatulo naangkon kini sa Ramon Magsaysay National High School sa premyo nga P70,000.00 ug ang ika-upat naangkon sa Binoni National High School sa premyo nga P50,000.00 pesos diin gikalipay sa mga magtutungha nga mipresentar ingon man ang mga maestra sa mga nahisgutang mga tunghaan.
Ang maong selebrasyon sa maong lungsod nga gipanguluhan ni Mayor William “Mabuhay” Maribojoc ug ubang mga opesyales masadyaong napahigayon inubanan sa mga opisyales.
Isip representante ni Gov.Rosalina Jalosjos anaa si Atty Ivan Patrick Ang, Executive Assistant IV sa Office of the Provincial Governor sa iyang mipadayag ug mensahe sa katawhan nga matud pa ang maong kalingawan gahatag kini ug lingaw sa maong lungsod ug gadasig sa tanang lumulopyo nga kini usa ka importante nga selebrasyon sa Lungsod sa Salug atol sa pagkahimugso sa lungsod diin importante kini sa katawhan.
Mihatag ug mensahe si Mayor William Mabuhay Maribojoc tumong ug tinguha niya sa maong lungsod nga masadyaon ug malambuon ang pamalakad niya atol sa iyang termino ug kini pagadumalaan sa patas nga pamunuan bisan unsa ug way bahid sa pamulitika.Diin gitinguha niya sa iyang pagdumala nga hapsay ug malambuon ang maong Lungsod.
Sa pakighinabi sa mga media ni Dr. Raymond Chris Maribojoc diin siya ang Private Consultant to the Mayor,diin mapasalamaton siya nga napahigayon ug masadyaon nga gisaulog ang ika-65 ka tuig nga Annibersaryo sa Lungsod sa Salug.Mapasalamaton usab siya nga gidungog iyang mga pag ampo nga unta ipahigayon kini nga way mga kakulian sama sa hagit nga ulan sa mga miaging mga adlaw diin nakapasundayag ra gayud ang mga misalmot sa maong okasyon.
Ang kagamhanang probinsyal pinaagi ni Governor Jalosjos, Senator Ronald “Bato” dela Rosa diin gahisgot kini atol sa opening sa kasaulogan nga matud pa muhatag kini ug daku nga pundo alang na sa Lungsod sa Salug ug anaa usab ang representate ni Senator Bong Go nga si Mr.Jade Jamolod Political Officer 3 Malasakit and Bayanihan diin mipaambit usab ug mensahe nga totokan sa tanan ang sports ug palayo sa bisyo ilabina sa Druga diin gikataho na usab ang pagdagsang sa mga illegal nga druga sa nasod.Nanghatag siya ug mga sapatos,bola sa basketball ug volleyball pinaagi sa pa raffle ug ang grand prize usa ka Mountain Bike diin nakuha ra usab kini sa lumulopyo sa maong Lungsod ingon man mga Vitamins.Gipahingusgan sa programa ni Senator Bong Go ang kabahin usab sa Malasakit Program diin importante kini sa matag usa ilabina kadtong dili makabayad sa pagpatambal o pahospital nga walay igong ikabayad nga mga katawhan.
Kahibaloan nga aduna pay laing mga kalingawan ang maong lungsod anang pagkagabie atol sa kasaulogan.(Angelica T. Obina)